Ena ene programme ki mo habituer ecouter malgres moi , kan mo ale travail, lor radioplus tou les gramatin: Cam et Leon. Mo pas conner couman pou decrire sa programme la. Li siposer humoristique ek satirique, mais ena fois mo demane moi esceki zots p rod passe bannes messages discretement avec l’humour.

L’histoire tourne autour deux characteres, Leon ek Cam, bolom bolefam a priori. Tous les gramatin zots fer bannes especes sketches  lor radio ki siposer amuse bannes dimounes. Cam ene bolfam ki relativement plis gopiah ki Leon mais ki essaye passe pou plis instruite ki li ete. Leon mo pou dire li plis instruit ek li passe letemps corrige bannes erreurs Cam.

Trois quart du temps zottes passe le temps coz kk. Enfin mo pena nanrien contre bannes la coz kk. Li siposer humoristique ek mo bisin avouer des fois mo em mo habituer coz kk. Mais saki mo trouve assez grave, c ki bannes la exprime bannes opinions lor bannes differents sujets d’actualite. Et zottes paret couman dire bannes donneurs de lecons pou pas dire bannes pseudo experts dans sa bannes sujets la.  Mais quand nou pense bien nu trouver ki bannes la p coz “nonsense” la plupart des fois. Des fois mo revolte kan mo pense a la consequences zottes bannes “nonsenses” lor bannes dimounes pas avertis.

Esceki bannes la p rod insulte intelligence de l’auditeur? Zots penser ki nou pou gobe sa bannes nonsenses la? Si nou ale plis loin escequi bannes la p rod influence l’opinion publique?

Zordi gramatin bannes la ti p demander kifer gouvernment bisin investi dans l’energie renouvelabe. Kifer bisin asterla pense a faire le consomateur produire so propre electricite? Mo demane moi sipa ena “hidden agenda” et mo ti envi conner kisanla finance sa programme la?

Capave mo p vinne parano ou peut etre mo pas p reussi comprend niveau satirique sa programme la. Mais kan mem ine arrive l’ere pou demane nou sipa bannes la p prend nu pou plis gopiahs de saki nou ete..